ӨНӨӨДӨР ТЯНЬАНЬМЭНИЙ ҮЙЛ ЯВДЛЫН 37 ЖИЛИЙН ОЙ ТОХИОЖ БАЙНАI

Тяньаньмэний үйл явдлын 37 жилийн ой тохиож байна

1989 оны зургаадугаар сарын 4-ний өдөр Бээжин хотын төвд орших Тяньаньмэний талбайд болсон үйл явдал дэлхийн түүхэнд хамгийн эмгэнэлтэй, маргаантай улс төрийн хэрэг явдлуудын нэгээр үлдсэн. Өнөөдөр уг үйл явдлын 37 жилийн ой тохиож байгаа бөгөөд дэлхийн олон улс орон, хүний эрхийн байгууллагууд тухайн үед амь үрэгдсэн иргэдийн дурсгалыг хүндэтгэн байр сууриа илэрхийлж байна.

1989 оны хавар Хятадын мянга мянган оюутан, залуус, ажилчид авлигыг бууруулах, үг хэлэх эрх чөлөө, улс төрийн шинэчлэл хийх шаардлага тавин Тяньаньмэний талбайд тайван жагсаал өрнүүлж эхэлсэн юм. Хэдэн долоо хоног үргэлжилсэн энэхүү хөдөлгөөн улам өргөжин, Бээжингээс гадна Хятадын бусад хотуудад ч дэмжлэг авч байлаа.

Гэвч 1989 оны зургаадугаар сарын 3-наас 4-нд шилжих шөнө Хятадын эрх баригчид армийн хүчийг ашиглан жагсаалыг тараах шийдвэр гаргажээ. Цэргүүд хуягт техник, танк ашиглан хотын төв рүү орж, жагсагчдыг хүчээр тараасан байна. Үүний улмаас хэдэн зуу, магадгүй хэдэн мянган хүн амь үрэгдсэн байж болзошгүй гэж олон улсын байгууллагууд үздэг ч албан ёсны тоо өнөөдрийг хүртэл тодорхой болоогүй хэвээр байна. Hong Kong Marks 25th Anniversary Of Tiananmen Square Protests With Candlelight Vigil

Тухайн үеийн хамгийн бэлгэдэл болсон дүр зураг бол танкуудын цувааны өмнө ганцаараа зогссон үл таних залуугийн зураг юм. Дэлхий нийт түүнийг “Tank Man” буюу “Танкны өмнө зогссон хүн” хэмээн нэрлэдэг бөгөөд эрх чөлөө, зоригийн бэлгэ тэмдэг болсон хэвээр байна.

Тяньаньмэний үйл явдлын 37 жилийн ойг тохиолдуулан Тайванийн Ерөнхийлөгч Лай Чиндө Бээжинг түүхэн үнэнтэй нүүр тулж, тухайн үеийн үйл явдлын талаар ил тод байр суурь илэрхийлэхийг уриалжээ. Харин АНУ-ын Төрийн департамент ардчилал, хүний эрхийн төлөө тэмцэж байсан иргэдийн дурсгалыг хүндэтгэж буйгаа мэдэгдсэн байна.

Харин эх газрын Хятадад Тяньаньмэний үйл явдлын талаарх мэдээлэл өнөөдөр ч хатуу хяналттай хэвээр байгаа бөгөөд жил бүрийн энэ өдөр цахим орчин болон олон нийтийн газруудад аюулгүй байдлыг өндөржүүлдэг уламжлал тогтжээ.

Тяньаньмэний үйл явдлаас хойш 37 жил өнгөрсөн ч уг хэрэг явдал Хятадын орчин үеийн түүхийн хамгийн эмзэг сэдвүүдийн нэг хэвээр үлдэж, хүний эрх, ардчилал, төрийн хариуцлагын тухай олон улсын хэлэлцүүлгийн төвд байсаар байна. What you need to know about Tiananmen Square on the 29th anniversary of the crackdown - ABC News